2019: Президент Жолдауының негізгі басымдықтары: саяси сабақ

9 қыркүйек күні Абай атындағы кітапхана қызметкерлері Семей медицина университетінің 1 – курс студенттеріне Қазақстан  Республикасы  Президенті  Қ.Ж. Тоқаевтың 2019 жылғы Жолдауының негізгі кезеңдерін түсіндіру және талдау мақсатында «2019: Президент Жолдауының негізгі басымдықтары» тақырыбында саясы сабақ ұйымдастырды.

Дәрісті ҚазИГЗУ философия және саясаттану кафедрасының меңгерушісі, профессор, философия ғылымдарының кандидаты  Түйебаев Махмұт Мамырбекұлы өткізді.

Дәріскер өмір сапасын арттыру, әлеуметтік мәселелер, сыбайлас жемқорлыққа қарсы күрес және т.б. сияқты негізгі мемлекеттің жақын арадағы негізгі бағыттарына, саяси трансформацияның жалғасатындығы туралы және де трансформация бірінші кезекте халық пен мемлекеттің мүддесіне бағытталатынына тоқталды.

Шара барысында студенттер Қазақстанның мемлекеттік, экономикалық және әлеуметтік дамуының қазіргі заманғы тиімді мемлекет, азаматтардың құқығы мен қауіпсіздігін қамтамасыз ету, қарқынды дамыған және инклюзивті экономика, әлеуметтік жаңғыртудың жаңа кезеңі және  «күшті аймақ – күшті мемлекет» деген бес бағытымен  танысты.

Студенттер саяси сабақтан алған ақпаратқа бей-жай қарамай көптеген сұрақтар қойып отырды, 1-курс студенті Кенбай Тұрсынбаев Қазақстанның әлемнің дамыған 50 елінің қатарына кіруі туралы сұрақ қойса, басқа студенттер экология және браконьерлік, денсаулық сақтауды дамыту мәселелерімен бөлісті. Дәріскер жолдаудың  барлық негізгі басымдықтарын  мысалдармен, негізгі фактілерге сүйене отырып қызықты баяндап, елімізде ең бастысы бейбітшілік, тұрақтылық және бірлік болуы керектігін түйіндеді.

Жастар  Елбасы  Жолдауда бағытталған жаңалықтар мен тапсырмалар туралы өз ойларын ортаға салып  Жолдауды бір ауыздан қолдайтындықтарын білдірді. Шара соңында студенттердің басым бөлігі кітапханаға жазылып, кездесуден алған әсерлерімен бөлісті.