Менің заманымның сүйікті кітаптары: кең көлемді кітап көрмесі

1 қазан күні Халықаралық қарттар күніне орайластырып,  зейнет демалысындағы кітапханаға көп келе бермейтін оқырмандарды көркем шығармалар оқуға шақыру, уақыттарын тиімді пайдалануды  ұйымдастыру мақсатында «Менің заманымның сүйікті кітаптары» тақырыбында кең көлемді кітап көрмесі ұйымдастырылды.

Халқаралық қарттар күні. Бұл жан дүниенің жомарттығы мен азаматтықтың кемел шағына деген құрмет.

Кітапхана қызметкерлері егде тартқан адамдар үшін өздеріне деген қызығушылықтарын тауып, тынығуларына, ой – өрістерін кеңейтуге мүмкіндік жасау  үшін  түрлі  жанрдағы  әдебиеттер ұсынды. Бүгінгі таңда аса көп сұраныспен оқылатын Ә.Кекілбаевтың, Ә.Нұршайықовтың, І.Есенберлиннің, П.Брэгтің, Д.Ковальдің, А.Дюманың, Б.Акуниннің, Д.Рубуинаның, Ч.Абдуллаевтың, Е.Вильмонттың, Н.Нестерованың және т.б. авторлардың көркем шығармалары мен өзін-өзі жетілдіру, медицина саласындағы, ас мәзіріне байланысты кітаптарға ерекше назар аударды. Әр жанрдағы кітаптарды оқу егде тартқан  адамдарға сабыр сақтауға, демалуға, эмоцияларын қалпына келтіруге көмектеседі деген сенімдеміз.