Біздің байланыс телефонымыз: 8 (7222) 52 04 94 · semeybib@yandex.kz
Жаңалықтар
Қыр 25

Балалар әдебиетіндегі елеулі есімдердің бірі: кітап таныстырылымы

25 қыркүйекте балалар әдебиеті бөлімінің қызметкерлері талантты жерлестеріміздің мәдени-әдеби мұрасын сақтауға, отандық авторлардың үздік туындыларын жастар арасында кеңінен насихаттау мақсатында, Шығыс Қазақстан облысының әкімі Даниал Ахметовтің бастамасымен жүзеге асырылған, «Абай әлемі» әдеби жобасы аясында жарық көрген балалар жазушысы Марат Қабанбаевтың «Туған жердің төрт кезеңі» повестері мен қысқаша әңгімелер  жинағының тұсаукесерін өткізді.

Марат Қабанбаев – Шығыс Қазақстандағы  балалар жазушысы. Оның еңбектері шынайы өмірден алынған. Өз  өміріндегі  өткен балалық шағы туралы жазылған. Марат Қабанбаев, Ганс Христиан Андерсен атындағы халықаралық сыйлыққа ие болған жәнеде  Қазақстанда  ғана емес, түркітілдес әдебиеттегі жалғыз балалар жазушысы.

Тұсаукесерге жазушы Мұрат Сұлтанбеков пен Евгений Титаев  қатысып, Марат Қабанбаевтың балалар әдебиетінің дамуына қосқан үлесін және оның шығармаларының өзектілігін атап өтті.

Шараға ат салысқан №6 гимназияның оқушылары  жазушының шығармаларынан үзінділер оқып, талдау жасап,  жақсы дайындықпен келгендіктерін көрсетті.

Игілікті шарада  «Абай Әлемі  ерекше басылымдардың кітапханасы» атты кітап көрмесінде кітап сериясына енген Шығыс Қазақстан жазушыларының шығармалары  ұсынылып  шолу жасалды. Кештің шырайын кіргізген «Torel» эстрадалық студия мүшелерінің көрсеткен өнері  тыңдарманның қошеметіне бөленді, белсене қатысқан мұғалімдер мен оқушыларға әкімшілік тарапынан алғыс хаттарын табыс етілді.