Біздің байланыс телефонымыз: 8 (7222) 52 04 94 · semeybib@yandex.kz
Жаңалықтар
Қаз 11

Әлемді тану үшін, көптілділік қажет: брейн-ринг

2019 жылы 20 қыркүйекте  ШҚО Абай атындағы әмбебап  кітапхасында Қазақстан халқының тілдері күніне орай, мемлекеттік тілге деген құрметті арттыру, сауатты ұрпақ тәрбиелеу мақсатында медицина университетінің және технологиялық колледждің 1курс студентеріне «Әлемді тану үшін, көптілділік қажет»  атты брейн-ринг   өткізілді.

Бұл мереке қандай ұлтта, елде болмасын әрқашан қастерлі де құдіретті. Тіл барлық  адамзаттың рухани мұрасы,  ал әрбір  мәдениет – ол әлемдік өркениеттің құнды бөлігі болып табылады.

Брейн-ринг бағдарламадасында студенттер арасында  үш тілді білу негізінде сайыстар жүргізілді: «Нақыл сөздер»  сайысында ағылшын мәтелдерінің баламасын табу болса, «Екі сөзден бір сөз»  сайысында көпқырлы сөздерді құрастырды. Ағылшын тілінен өз білімдерінің жоғары деңгейімен медицина университетінің 127 тобының студенттері (оқытушылар Құдайбергенова Ж. М., Рахымжанова С. А. және т.б.) ерекше көзге түсті. «Нақыл сөздер»  сайысында дәйексөздерді білу және түсіну үшін олар ағылшын тілінде түсініктеме беріп, «Үздік аудармашы» сайысында тапсырмаларды тез орындап тапқырлықтарын көрсетті. Қазақ, орыс және ағылшын тілдеріндегі жұмбақтар, жаңылтпаштар сайыстарында медицина университетінің студенттері үздік дайындықтарымен ерекшеленді. Шара соңы ағылшын тілінде өткізілген «Ағылшын тілінде қызықты фактілер» атты викторинамен  аяқталып, барлық қатысушыларға қазақ және ағылшын тілдерінде кітаптар мен журналдар сыйға берілді.