Біздің байланыс телефонымыз: 8 (7222) 52 04 94 · semeybib@yandex.kz
Жаңалықтар
Қаз 09

Өмір сүру бақыт, жастық шақ – өте тамаша: печа-куча

Абай атындағы кітапханада 9 қазан күні 2019 – Жастар жылы аясында,

«Өмір сүру бақыт, жастық шақ – өте тамаша» тақырыбында жастарды өмірді сүюге, оның әрбір сәтін қадірлеуге, өмірдің мәні туралы ой-пікірлерін ортаға салуға, бағалауға бағытталған  қаламыздың жоғарғы оқу орындары мен колледж студенттеріне печа куча ұйымдастырылды.

Қазіргі жас ұрпақ – қоғамның болашақ қайраткері, еліміздің тірегі, ертеңгі ел тізгінін ұстайтын үміті, рухани ізгілікті, жаңару заманына лайықты, өзін-өзі басқара алатын жан-жақты тұлға.

Осыған орай кітапхана қызметкері  шараға қатысушыларға жастардың бойындағы күш қуатты, қайрат-жігерді өмірде дұрыс таңдау жасауға,  мақсат қоюға, өмірдегі ең маңызды шешімдерді қандай және оны қай уақытта қабылдауға болатындығы туралы тың ақпараттар беріп,  оқыту іс-шарасын өткізді.

Печа-куча жастардың кітапхана қызметкерлерімен диалог түрінде қызықты өтті.Іс-шара барысында студенттерге жастар, салауатты өмір салты, өздерін бақытты сезіну туралы маңызды сұрақтарға жауап алатын бейнематериалдар көрсетіліп, кеңестер мен ұсыныстар берілді.Сондай-ақ олармен өмірлік мақсаттарды қоюға, өзіне арналған негізгі құндылықтарды анықтауға көмектесетін психологиялық тренинг элементтерінен жаттығулар өткізілді.

Шара қонақтарына мотивациялық әдебиет және жастар журналдары ұсынылды.