Кітапханаға сыйға берілген кітап

  • 12.12.2019

Желтоқсан айының 11-ші жұлдызы күні туған жер, ел тарихы жайындағы тарихи-танымдық шығармалардың авторы, белгілі қаламгер, Қазақстан Республикасының оқу-ағарту ісінің үздігі, ҚР Журналистер одағының мүшесі, еліміздің Шығыс аймағында мәдениет, әдебиет, өнер, ұлттық рух туының биікте болуына атсалысып келе жатқан Молдабек Жанболатұлы Абай атындағы кітапханаға «Тобықты Қараменде баба» атты кітабын  қолтаңбасымен сыйға тартты.

Жинаққа ХVІІІ ғасырда өмір сүрген, Әнет бабаның өсиетін тыңдап, батасын алған, халқымыздың қасірет болған «Ақтабан шұбырынды, алқакөл сұламаны» басынан кешірген Қараменде Шақаұлының ғибратты ғұмыры топтастырылған. Бұл кітаптың оқырман қауымға мол рухани байлық болары сөзсіз.