«Тәуелсіздік – тірегім, елім деп соққан жүрегім: поэтикалық кеш

12 желтоқсан күні Абай атындағы кітапханада ҚР тәуелсіздік мерекесі қарсаңында «Тәуелсіздік – тірегім, елім деп соққан жүрегім» атты тақырыпта жастардың поэтикалық кеші ұйымдастырылды. Поэтикалық кешке Семей медицина университетінің студенттері мен Семей медицина колледжінің студенттері қтаысты. Кітапхана мамандары ел егемендігінің тарихымен кеңінен таныстыра отырып, Тәуелсіздік жылдарында еліміздің алған асулары, бағындырған белестері жайында ақпараттарды көпшіліктің назарына ұсынды. Кеш барысында С. Тұрысбектің «Көңіл толқыны» күйін Семей медицина колледжінің студенті Тілеубек Қадырбек орындаса, «Құс қайыру» күйін Семей Медицина Университетінің студенті Мейрамбек Медеу орындап, көпшіліктің ықыласына бөленді. Семей Мемлекеттік Университетіндегі Д. Бабатайұлы атындағы жас ақындар клубының мүшелері тәуелсіздік, егемендік туралы бірнеше өлеңдерін оқыса, Нұғыман Нұркен, Еңсенов Нұрислам тәуелсіздікке арналған өлеңдерді оқып жырдан шашу шашты. Поэтикалық кеш барысында Семей медициналық колледжінің студенті Сайлаубек Диастың орындауында «Көк тудың желбірегені» әні шырқалып, Семей Медициналық универистетінің студенті Жәрдемов Жәнібектің орындауындағы «Батырлар ұраны» әнімен жалғасын тауып, Кеңесқали Тоғжан «Түрік биі» биін биледі. Сонымен қатар, ел еркіндігін кеңінен баян еткен бірқатар кітаптардың мәні мен мазмұнына шолу жасалады.