Аудармашылар клубының кезекті отырысы

  • 27.01.2020

25 қаңтар күні Абай атындағы кітапханада аудармашылар клубының кезекті отырысы болып өтті. Клубқа әр санаттағы оқырмандар: студенттер, қызметкерлер және зейнеткерлер қатысты. Отырыс барысында қатысушылар «Moving to America» мәтінін аса қызығушылықпен аударып, өзара пікір-ұсыныс алмасып, жаңа сөздер мен қажетті ақпаратты жазып алды. Әдеттегідей, отырыста клуб мүшелері есте сақтау қабілетін дамытып, ағылшын тілінде сөйлеу дағдыларын арттырды.

Отырыс соңында қатысушылар ағылшын тілінде «At the office» атты видеоны тамашалап, бірден орыс және қазақ тілдеріне аударуға тырысты. Әрине, бұл аудармаларды толыққанды тәжірибелі аударма деп атауға әлі ерте, алайда қатысушылардың аударма жасауға деген қызығушылықтары қуантарлық.