«Абайдың шексіз мұрасы»: кең көлемді кітап көрмесі
14 ақпан күні Абай атындағы кітапхана қызметкерлері Шақаман ауылдық мәдениет үйінің қызметкерлері ұйымдастырған ұлы Абай Құнанбайұлының 175 жылдығына орай «Абай бейнесі» атты ауыларалық сурет сайысының қатысушыларына, ауыл тұрғындарына «Абайдың шексіз мұрасы» атты кең көлемді кітап көрмесін жасақтады.
Іс-шараның мақсаты: «Рухани жаңғыру» бағдарламасы және ұлы ақын Абай Құнанбайұлының 175 жылдық мерейтойы аясында ақынның өмірі мен шығармашылығынан ақпараттар беру және «Абай әлемі» кітап сериясының екінші ауқымды әдеби жобасының шығарылымымен таныстыру.
«Өнерлі он саусақ» қолөнершілердің көрмесінде мүмкіндігі шектеулі балалар мен мектеп оқушылары өз қолдарынан жасап шығарған тамаша туындыларын халық назарына ұсынып, үлкен мәдени мерекелік шараны тарту етті. Сурет сайысында Абайдың табиғат лирикасына арналған туындыларымен ерекшеленген Бөкенші ауылының 10 сынып оқушысы Оразбаев Асыл көпшіліктің сүйіспеншілігіне ие болды.
Аталмыш шараға мәдени ынтымақтастық аясында кітапхана қызметкерлері кітап көрмесін жасақтап, «Абай әлемі», «Абай бейнесі бейнелеу өнерінде», «Абай саз әлемінде», «Тас мүсіндердегі Абай бейнесі» бөлімдері бойынша кітаптар мен мерзімді басылымдарға библиографиялық шолу жасап, ақпараттармен қамтамасыз етті. Сонымен қатар «Абай әлемі бейнелеу өнерінді» және «Абайдың музыкалық мұрасы» атты слайд көрсетілімін қатысушылардың назарына ұсынды.
Шара соңында Шақаман ауылдық әкімішілігі мен Семей қалалық мәдениет басшылығы тарапынан кітапхана қызметкерлері алғыс хаттармен марапаталды.
Көп жылдар бойы жалғасып келе жатқан әріптестік мәдени рухани байланыстар әрқашан жалғасын таба бермек.
