Еріктілік өмір салты ретінде: кездесу

18 ақпан күні Абай атындағы кітапханасында еріктілер жылы волонтерлік қызмет аясында «Еріктілік өмір салты ретінде» тақырыбында Шәкәрім атындағы университеттің, медицина университетінің және технологиялық колледждің студенттерімен кездесу өтті.

Шара барысында «Отбасы Орталығы» ҚҚ атқарушы директоры Л. М. Асташкина еріктілер қозғалысы туралы, қор еріктілерінің аз қамтылған отбасыларымен әлеуметтік жұмысы туралы бейнекөрсетілім ұсынды.

Семей медицина университеті «Волонтерлық корпусының» жетекшісі Асанов Жандос медицина университеті қабырғасында құрылған еріктілер қозғалысының бағыттарымен таныстырып өтті. Шараға қатысқан жастар волонтерлық қызмет адамдарға көмек беру арқылы тәжірибе жинауға, өмірлік маңызды дағдыларды дамытып, әлемді жаңа қырынан тануға мүмкіндік беретінін атап айтты. Сонымен қатар, Технология колледжінің психолог маманы Рахимжанова Г.М. колледж қабырғасында жылдар бойы жүргізіліп келе жатқан зейнеткерлерге арналған әлеуметтік жоба жұмысымен таныстырды.

Шара соңында кез келген адам волонтер болу үшін қандай қасиеттерге ие болуы керектігі, мұқтаж адамдарға көмек қолын соза алатын адам волонтер бола алатыны туралы қызықты презентация көрсетілді. Кездесу «Басқаға қуаныш сыйлай білген – ең бақытты жан» деген қанатты сөздермен аяқталды. Президент атап айтқандай, «Волонтерлік қызмет – өз еркіңмен баратын жүректің жұмысы. Жүректің жұмысы жанданса, қоғам өркениетке өздігінен-ақ қадам басады».

Кездесуде кітапхана әкімшілігі атынан кітапханамыздың еріктілері М.Табулдин, Е.Лузинсан, С.Зубкова және Ж.Ажибаеваға алғыс хат табысталды.