Артық білім кітапта:танымдық сағат

18 ақпан күні  кітапхана қызметкерлері ұлы ақын Абай Құнанбаевтың 175 жылдық мерейтойы аясында,  «Нұрсәуле ясли-бақшасы» мекемесінің  қызметкерлеріне  ақынның шығармашылығын дәріптеу мақсатында «Артық білім кітапта атты  танымдық сағат  ұйымдастырды.

Шара барысында қатысушылар назарына 2018 жылдан бері шығарылып келе жатқан   «Рухани Жаңғыру» бағдарламасы аясында жарыққа шыққан  «Абай әлемі» кітаптар топтамасы жобасына,  Абайдың рухани орталығындағы  сирек басылымдар  беттеріндегі Абай,  өлкетану көздеріндегі Абай дәуірі, Абай бейнесі    бейнелеу өнерінде,  дүние жүзінде орналасқан ұлы ақынның ескерткіштеріне толығырақ мағлұмат ұсынылды. Әсіресе, жаңа басылымның әдеби мұраларының қатарынан орын алған  Қазақстан Республикасының 2016 жылғы Мемлекеттік сыйлығының лауреаты, жерлесіміз Тыныштықбек Әбдікәкімовтің философиялық туындылары, жас талантты авторлардың өлеңдер жинағы,  Томбовтан Семейге жер аударылып келген әскери  офицер,  әуесқой суретші Лобановскийдің ақынның бейнесін  қалың қағазға жай ғана қарындашпен салған портреті мен  оған берген  өте құнды түсініктемелері  және кітапханамыздағы  көне кітаптардың бүгінгі күнге дейін сақталуы ерекше әсер етті.

Шара соңында  тәрбиешілер рухани   сағаттан алған әсерлерімен  бөлісіп, ақынның «Желсіз түнде жарық – ай» әнін бірге  шырқап, алғыстарын білдірді.