Өлкетанушылар: ХІХ-ХХ ғғ. Шығыс Қазақстан туралы: өлкетану оқулары
2020 жылдың 20 ақпаныңда Шығыс Қазақстан облыстық Абай атындағы әмбебап кітапханасында Қайнар колледжінің студенттеріне арнап, «Өлкетанушылар: ХІХ-ХХ ғасырлардағы Шығыс Қазақстан туралы» деген тақырыпта өлкетану оқулары өткізілді.
Шара қонақтарына Ел басымыздың Н.Ә. Назарбаевтың «Рухани жаңғыру» бағдарламасы аясында, облыс әкімі Даниал Кенжетайұлы Ахметовтың қолдауымен іске асырылып отырған «Абай әлемі» кітаптар топтамасына қысқаша ақпарат беріп, 2019 жылы осы шығарылыммен басылып шыққан 12 кітаппен таныстырып өтті. Жүз жылдан астам уақыттан кейін алғаш рет жеке жинақ болып ХІХ-ХХ ғасырлардағы Императорлық Орыс Географиялық Қоғамының Батыс Сібір бөлімінің Семей бөлімі мүшелерінің керемет жұмыстары жарияланған «Краеведы ХІХ-ХХ веков о Восточном Казахстане» жинағы мен Шығыс Қазақстандық өлкетанушы Станислав Черныхтың «Неутомимый краевед Рудного Алтая» тарихи очерктері туралы толық ақпарат беріліп, қатысушылардың қызығушылығына ие болды.
Іс-шараға өлкетанушылар туралы бейнероликтер және өлкетану тақырыбындағы заманауи кітаптар мен сирек кездесетін басылымдардан кітап көрмесі жасақталды. Көрмеде бұрынғы Семей облысының естелік кітаптары, Семей облыстық Санақ комитетінің есептері, бюллетендер, ИОГҚ Семей бөлімінің есептері, жазбалары, ғалым–зерттеушілердің еңбектері, «Краеведы ХІХ-ХХ веков о Восточном Казахстане», С. Черных «Неутомимый краевед Рудного Алтая» жинақтары қойылды.
