Алтын қала: видео-сабақ

Шығыс Қазақстан облыстық Абай атындағы әмбебап кітапханасының қызметкерлері «Алтын қала» тақырыбында №8 балалар үйінің 5-6 сыныпта оқитын тәрбиеленушілерінің арасында видео-сабақ ұйымдастырды.

Өткізілген күні: 11 қыркүйек 2013 жыл. Өткізілген орны: Семей қалалық №8 балалар үйі. Қатысушылар: Балалар үйінің тәрбиеленушілері. Қатысушылар саны: 22 адам. Шараның мақсаты: Туған қалаға деген сүйіспеншілікті ояту, патриоттық сезімге рух беру.

Шығыс Қазақстан облыстық Абай атындағы әмбебап кітапханасының қызметкерлері «Алтын қала» тақырыбында №8 балалар үйінің 5-6 сыныпта оқитын тәрбиеленушілерінің арасында видео-сабақ ұйымдастырды. Семей қаласына 285 жыл толуына орай режиссер Зауре Ибраимова қала тарихы туралы «Алтын қала» атты документтік видеофильм түсіріп, 2003 жылы жарыққа шыққан.

Видеофильмнің сюжеті тарихи деректер, ғылыми болжамдар, аңыздар және қазіргі таңдағы Семей қаласының тыныс-тіршілігі аясында құрылған. Фильмде мемлекеттік қордан алынған видеоархив құжаттары, Қазақстан мұражайларының экспонаттары, ежелгі мәдени-тарихи далалық түсірілімдер қолданылған. Сонымен қатар танымал Қазақстанның ғалым археологтары, тарихшылары, әншілері, атап айтқанда: Роза Рымбаева, Даулет Тұрлыханов, Олжас Сулейменов, Алтай Аманжоловтар қатысқандығы туралы мағлұматтар берілді.

Видеофильм көрсетілімнен кейін кітапхана қызметкерлері тәрбиеленушілерді қаламыздың қазіргі ахуалы жайлы хабардар етті.
Мәдени шараның тәрбиеленушілерге берер тағылымы мол болмақ.