Абайдың музыкалық мұрасы: тікелей эфир
ШҚО Абай атындағы кітапхана қызметкерлері 20 сәуір күні 20:00-де ҚР мәдениет саласының үздігі Берік Омаровпен «Абайдың музыкалық мұрасы» тақырыбында @semeybib парақшасында тікелей эфир өткізді. Шараны кітапханашы маман, ақын Бауыржан Игілік жүргізді.
Тікелей эфир барысында Берік Омаров Абай әндерінің тарихы жайында айтып, Абайдың музыкалық мұрасы қазақтың ұлттық өнері тарихында ерекше орын алатынына тоқталды. Сұхбат барысында Абайдың әуендік таланты халықтық негізде дамып, ақынның рухани жан-дүниесі, әлемге көзқарасы оның лирикалық әндерінде айрықша көрсетілгендігін атап өтті. Абай әндерінің бізге толық жеткен себебі – олардың халықтың жүрегінде сақталуға сапасы сай келетін шығармалар болғандығында, халық санасынан өшпес орын алғандығында, әндерінің өзгешелігі – мелодиялық, ырғақтық жаңалықтарында, идеялық мазмұнының ашықтығында екенін айтып, ақын өлеңдерінің мән-мағнасын түсіндірді. Хакім шығармаларының халықтың көкейінен кетпейтінін мәңгілік мұра екендігін тілге тиек етті. Онлайн сұхбатқа қатысушылардың назарларына Абайдың “Ата – Анаға Көз Қуаныш”, “Татьянаның Хаты”, «Сегіз аяқ» атты әндерін орындап, осы өлеңдердің құрылысына тоқталды. Абай өлеңдерін орындауды алдыңғы буын ағаларынан үйренгедігін айтып, ұстаздарының еңбектерін жоғары бағалап, ризашылығын білдірді.
