Кітапханалар мен әлеуметтік желілер: тікелей эфир

29 сәуір күні Абай кітапханасының инстаграм  парақшасында “Кітапханалар мен әлеуметтік желілер” атты тікелей эфир өтті, шараның арнайы қонағы Новосібір облысы Карасук ауданы Орталықтандырылған кітапхана жүйесінің ақпараттық секторының меңгерушісі, “Жас кітапханашылар гильдиясы” президиумының мүшесі, Новосибирск облысының Мәдениет министрлігі жанындағы жас мамандар кеңесі президиумының мүшесі, кітапхана қызметкерлері үшін шеберлік сыныптарының жаттықтырушысы Панасенко Нина Михайловна болды. Тікелей эфирдің тақырыбы кездейсоқ таңдалмады. Бүгінгі таңда Қазақстан мен Ресейдің кітапханалары оқырмандарын ақпараттандыру үшін, сондай-ақ, оларды әртүрлі интернет-сайыстарға тартуда әлеуметтік желілерді белсенді қолданады. Әңгіме барысында «Әлеуметтік желілер мен кітапхана: карантинге дейін және карантин уақытында» тақырыбындағы ойлар тыңдалды. Эфир қонағы кітапхана оқырмандарымен қарым-қатынас жасаудың ыңғайлы негізгі мазмұны ретінде әлеуметтік желілер туралы пікірімен бөлісті. Ресейлік кітапхананың интернет-кітапхана түнін өткізу тәжірибесі қызықты болды. Тікелей эфирдің қонақтары Wiki-SiberiaDA порталының мүмкіндіктерін пайдалана отырып, оқшаулау бойынша кітапханашыларды қашықтықтан оқыту сияқты мәселелерді де назардан тыс қалдырмады. Өлкетану және балалар мен қарттарды ынтымақтастықтың осы түріне тарту тақырыптары толығырақ талқыланды. Кітапхананың түрлі жобаларын қаржыландыру мәселелері де қозғалды.