Дәрігер кеңесі: тікелей эфир
Шығыс Қазақстан облыстық Абай атындағы әмбебап кітапханасы 2 мамыр күні Батыс Қазақстан облысы, Ақтау қаласының «Ақереке» клиникасының невролог дәрігері Батхолдина Ғалия Қалтайқызымен тікелей эфир өткізді.
Дәрігер маман неврологияға қатысты адам денесіндегі болатын ақаулармен жіті таныстырып, олардың пайда болу себептеріне тоқталып, сипаттама берді. Қазіргі карантин уақытында мойын, бел остеохондроздары, мигрень, грыжа, протрузия, паникалық атака және тағы басқа адам ағзасындағы ақаулармен үй жағдайында адам өзіне қалай көмек бере алатындығы жайлы ақпарттар, нұсқаулықтар берді. Инсульт пен инфарктың айырмашылығын айтып, адамның миына қатысты фактілермен бөлісіп, буындардың жақсы жумыс істеуіне арналған 24 сағат бойы сүйекті қайнатып ішу туралы кеңестер берді. Ғалия Қалтайқызы өзінің білікті маман екендігін дәлелдеп қатысушылардың адам миында болатын ақауларға қатысты, короновирусқа қарсы екпелерге байланысты көтеген сұрақтарына жауап берді. Дәрігер маман адам бойындағы ауырудың ең бірінші пайда болған себебін анықтап, бас ауырса басты, жүрек ауырса тек жүректі ғана емдеп қоймай, жалпы бүкіл адам ағзасын толық бір жүйе ретінде емдеу керектігін айтты. Тікелей эфир керекті ақпараттар мен пайдалы кеңестерге толы болды.
