Жаңа кітаптар әлемі: кітап көрмесі
17 қыркүйек 2013 жыл Шығыс Қазақстан облыстық Абай атындағы әмбебап кітапхана қызметкерлері жаңа кітаптарға кітап көрмесін ұйымдастырылды.
Өткізілген күні: 17 қыркүйек 2013 жыл. Өткізілген орыны: Шығыс Қазақстан облыстық Абай атындағы әмбебап кітапхана. Саны: 37 адам. Мақсаты: Кітапхана пайдаланушыларына жаңа кітаптар туралы ақпараттар беру.
17 қыркүйек 2013 жыл Шығыс Қазақстан облыстық Абай атындағы әмбебап кітапхана қызметкерлері жаңа кітаптарға кітап көрмесін ұйымдастырылды. Көрмеде Қазақстан Республикасының Байланыс және ақпарат министрлігі Ақпарат және мұрағат комитеті «Әдебиеттің әлеуметтік маңызды түрлерін басып шығару» бағдарламасы бойынша шығарылған кітаптар қойылды. Атап айтқанда, Қазақстан Республикасының бірінші Президенті туралы қазақ және орыс тілдерінде: «Қазақстан жолы», «Тәуелсіздік белестері», «Еуразия жүрегі», «Ғаламдық қоғамдастықты түбегейлі жаңарту стратегиясы және өркениеттер серіктестігі» жөніндегі кітаптар. Көрмеде сонымен бірге «Жалын» баспасынан шығарылған «Жас толқын» сериясына жас ақындар, журналист-публицисттер кітаптары ұсынылды. «Жалын» баспасы мемлекеттік сұраныстар бойынша «Әдебиеттің әлеуметтік маңызды түрлерін басып шығару» бағдарлама аясында Қазақстандағы «Жас толқын» сериясына 20-дан аса дарынды жас ақындар, журналист-публицисттер туралы шығарылған кітаптар жайлы кең көлемдегі ақпараттар берілді.
Бұл жобаға 2008 жылы Қазақстан Республикасының Байланыс және ақпарат министрлігі Ақпарат және мұрағат комитеті «Жас толқын» басылым сериясының басылып шығуына бастама көтерген. Кітап сериясына жас ақындар: Бақытгүл Баймолдақызы, Бауыржан Әліқожа, Алмат Исәділ, Мақпал Мыса, Үміт Зұлхарова, Мағиза Құнапияқызы, Ерғали Бақаш, Бақытжан Алдияр, Алтыншапақ Хаутай, Жанат Жаңқашұлы, Олжас Қасым, Мирас Асан, Ержан Жұмабек, Гүлжайна Қалдинаның шығармалары; журналист-публицисттер: Қанағат Әбілқайыр, Айнұр Шамшейтова, Мирас Мұқашев, Әлібек Байбол, Алмас Нүсіп, Әсем Қоспағаровалардың очерктері мен мақалалары енген. Көрмеде «Жас толқын» сериясының 12 кітабы қойылды. Кітапхана пайдаланушылары Қазақстан Республикасына еңбегі сіңген қайраткер, профессор, Махамбет Өтемісұлы атындағы лауреат атағы, Шығыс Қазақстан облысы Абай ауданының құрметті азаматы атағын алған, жазушы Сайын Назарбекұлының шығармаларына ерекше қызығушылық білдірді. Оның бұл туындыларына тоғыз томдық шығармалары, өлеңдер жинағы топталған, әңгімелері, драматургиялық шығармалары, мақалалары, монографиялары және т.б. енді. Оның бір томы қазақтың киіз үйіне арналған. Көрмені әсем безендірілген балалар энциклопедиясы сериясы ішінде: «Химия», «Физика», «Табиғат», «Ғылым» және «Кітапхана энциклопедиялары» сериялары «Фолиант» баспасынан шыққан. Пайдаланушылар көрмені қыркүйек айының соңына дейін тамашалайды.