Алтын Орда заманындағы Шығыс Қазақстан: тікелей эфир

5 маусым күні Шығыс Қазақстан облыстық Абай атындағы кітапхана қызметкерлері «Алтын Орда заманындағы Шығыс Қазақстан» тақырыбында тікелей эфир өткізді. Тікелей эфирге Шәкәрім атындағы университеттің профессоры, тарих ғылымдарының кандидаты Исин Амантай Исаұлы қатысты.

Мемлекет басшысы Қасым-Жомарт Тоқаевтың Ұлытауға сапары барысында Алтын Орданың 750 жылдық мерейтойын атап өтіп, сонымен қатар оның негізін қалаған Жошы ханның есімін ұлықтау туралы бастама көтерген болатын.

Сұхбат барысында орта ғасырдағы Алтын Орда мемлекетінің қалай құрылғандығы жайында, Алтын Орданың хандары, территориясы, Алтын Орда заманындағы өмір сүрген рулар, халқы туралы әңгіме қозғалды.

Алтын Орда туралы отандық, шетелдік деректемелер, жылнамалар бар ма, Шығыс Қазақстандағы Алтын Орда қандай мемлекет болған, Алтын Орда заманында қандай археологиялық деректер, ескерткіштер бар т.б. сұрақтар төңірегінде ой қозғалды.

Сұхбат соңында кітапхана маманы осы тақырыпқа байланысты кітапхана қорында бар  І Есенберлин «Алтын Орда», М. Мағауин «Қазақ тарихының әліппесі», Қ. Бегалин «Алтын Орда», Б. Аяған «Қазақ хандығы тарихы: құрылуы, өрлеуі, құлдырау», Т. Сұлтановтың «Алтын Орда», Ян В. «Батый» т.б. кітаптар жайында тілге тиек етті.