2020 жылдың 14 шілдесінде Абай кітапханасының semeybib инстаграм әлеуметтік желісінде ел президенті Қасым-Жомарт Тоқаевтың Еріктілер жылы деп жариялаған бастамасына негізделген «Жүрегі мейірімге толы жандар» атты тікелей эфир өтті.
Мемлекет басшысы 2019 жылы Жастар жылының жабылуында сөйлеген сөзінде тек бір реттік сенбіліктер мен экологиялық іс-шараларды атқаруды, челендждер өткізушілерді еріктілер деп қабылдау қате екендігін атап айтқан болатын. Аталмыш тікелей эфирдің арнайы қонағы КММ «Семей қаласының жастар ресурстық орталығы» заңгері және кеңесшісі Асқаров Асхат Асқарұлы болды. Ол жастар орталығының қандай функцияларды атқаратындығы, өзі қандай бағытта жұмыс жасайтындығы және жыл басынан бері қандай волонтерлік жұмыстар жүргізілгені, жастар ресурстық орталығы арқылы қандай жобалар жүзеге асырылғаны туралы туралы егжей-тегжейлі айтып берді.
Әңгіме барысында Қазақстанда жүзеге асырылатын еріктілердің жобалары да атап көрсетіліп, сонымен, осы жылдың барлық еріктілер жобалары 7 бағытта біріктірілгендігі жайында сөз қозғалды. Ол 7 бағытта жұмыс жасайтын: «Сабақтастық», «Саулық», «Таза әлем», «Асыл мұра», «Қамқор», «Білім және», «Үміт» жобалары.
Енді осы жобалардың жұмыстарына тоқталсақ, «Сабақтастық» жобасына сәйкес еріктілер балалар үйінің балаларына қамқорлық жасаса, «Саулық» атаулы жобадағы еріктілер көмекке мұқтаж науқастарға қарайласады. «Таза әлем» жобасы – бұл қоршаған ортаны қорғау, өзендер мен ормандарды тазарту, ағаш отырғызу және қоқысты сұрыптауға үйретсе,«Асыл Мұра» жобасы халқымыздың материалдық және рухани мәдени және тарихи мұрасын сақтауға еріктілерді өзіне шақырды. «Қамқор» жобасы қарттар үйінде еріктілердің жұмыс жасауына бағытталған. «Білім» – ауыл мектептерінің жоғарғы сынып оқушыларына ҰБТ-ға дайындық, ағылшын және компьютерлік сауаттылықты үйретуде ерікті түрдегі көмек. «Үміт» жобасы – Ұлы Жеңістің 75 жылдығына орай отандастарымыздың ерліктері туралы баяндайтын құжаттарды іздеуге бағытталған дейді Асхат Асқарұлы. Аталмыш тікелей эфирде желі қолданушылары осы арнадағы өз белсенділіктерін көрсетіп, көкейлеріндегі сауалдарын да қойып жатты.
Comments are closed.