2020 жылдың 23 шілдесінде ШҚО Абай атындағы кітапханасы Facebook парақшасының тікелей эфирінде ақын, филология ғылымдарының докторы Әубәкірова Қарлығаш Әділханқызымен «Абайтанушы ғалымдар» атты онлайн дәріс өткізді.
Қарлығаш Әділханқызы сөзін қазіргі қиын қыстау кезеңде, іргемізді індет жайлап тұрған уақытта Абай атамыздың сөзі жанымызға таптырмас ем екенін айтып бастады.
Дәріс барысында жалпы абайтану ғылымы, алғашқы абайтанушылар, абайтану ғылымының қалыптасуы мен дамуы туралы сөз өрбіді.
Мекемтас Мырзахметұлының тұжырымына сүйене отырып ғылыми негізде абайтану ғылымын үш кезеңге бөліп қарастыруға болатынын, айта кетсек 1889-1934 жылдар аралығы, екінші кезең 1934-1960 жылдар және үшінші кезең 1960 жылдан қазіргі уақытқа дейінгі зерттеулер екенін айтып өтті.
Ал кейінгі жас ғалымдардың айтуымен ұсынуынша абайтану ғылымын төрт кезеңге бөлуге болатынын білдік және Қарлығаш ханым осы екінші тұжырымды қолдайтынын аңғартты. Осы төрт кезеңге қандай ғалымдар мен жазушылар, зерттеушілерді бөліп жатқызуға болатынында жіліктеп жеткізді. Алайда осы төрт кезеңге бөлу еш жерде белгіленбеген, нақтылы жүйеленбеген тұжырым екенінде тілге тиек етті.
Желідегі дәріс соңында қонағымыз оқырмандардың көптеген сұрақтарына жауап беріп, айтылған пікірлерін талқылап, рухани азық ұсынды.
Comments are closed.