Қазақ футболына 100 жыл: кітап көрмесі

2013 жылдың 20 қыркүйекте Шығыс Қазақстан облыстық Абай атындағы әмбебап кітапханасының қызметкерлері Семейдегі алғашқы «Ярыш» футбол командасының мерейтой қарсаңында «Қазақстан футболына – 100 жыл» атты кітап көрмесін ұйымдастырды.

Өткізілген күні: 2013 жылы 20 қыркүйек. Өткізілген орны: Шығыс Қазақстан облыстық Абай атындағы әмбебап кітапханасы. Қатысушылар: кітапхана пайдаланушылары. Қатысушылар саны: 16 адам. Шараның мақсаты:Қазақстан футболының даму тарихынан мағлұмат беру және спорттың адам өміріне қажеттілігін түсіндіру. Күтілетін нәтиже: Қазақстан футболының тарихы туралы білімімдерін тереңдету, сонымен қатар кітапхана ресурстарымен таныстыру.

2013 жылдың 20 қыркүйекте Шығыс Қазақстан облыстық Абай атындағы әмбебап кітапханасының қызметкерлері Семейдегі алғашқы «Ярыш» футбол командасының мерейтой қарсаңында «Қазақстан футболына – 100 жыл» атты кітап көрмесін ұйымдастырды. Семей қаласының Қазақстан футболының отаны екені баршамызға мәлім. Осы қалада 1913 жылы ең алғаш «Олимп», «Ласточка», «Орлята» және «Ярыш» футбол командалары құрылды. Осыдан жүз жыл бұрын мұсылман жастары арасынан тұңғыш рет «Ярыш» командасы құрылып, оның құрамында қазақ әдебиетінің классигі Мұхтар Омарханұлы Әуезовте (1897-1961) болған. Қазақ жеріне таңсық спорт түрі – футбол өнері Ресей арқылы ХХ ғасырдың басында жетті. Оны таратушы алғашқы қарлығаштардың бірі 1912 жылы Москвадан Семейге келген Н.Н.Куприянов деген кісі еді. Мұхтар Омарханұлының бірден бірінші ұйымдасқан футбол командасына алынып, негізгі ойыншысы болып кетуі, ол кісінің бұған дейін де доп ойнап, шеберлігін ұштап, футбол өнеріне деген шын ықылас танытқандығының куәсі болса керек. Кітап көрмесіне қойылған Өмірзақ Сұлтановтың «Мұхтар Әуезов және спорт өнері» деген кітабы осының айғағы. Сонымен қатар кітап көрмесінде мерзімді басылымдар «Ертіс өңірі», «Спектр», «Семей таңы», «Дене тәрбиесі және спорт» беттерінде жарияланған қазақстан футболының тарихы, «Спартак», «Елімай» футбол командалары туралы, алғашқы футболшылар, спорт ардагерлері жайлы мақалалар ұсынылған. Кітап көрмесіне 27 кітап және 16 мерзімді басылым қойылған.