Абай таныған кәусарлар: тікелей эфир
2020 жылдың 7 тамыз күні Ұлы Абайдың 175-жылдық мерейтойы қарсаңында «Абай таныған кәусарлар» тақырыбында Facebook әлеуметтік желісінде Абай атындағы кітапхана қызметкері, мерзімді басылымдар бөлімінің меңгерушісі Манжибаева Жаңылгүл Әділбекқызы тікелей эфирге шықты.
Желідегі байланыста кітапхана қызметкері дара, дана тұлға Ұлы ақынның қоғамдағы атқарған қызметіне, сол замандағы салмақты орнына, өмір баянына кеңінен тоқталды.
Кітапхананың қорында жинақталған 4500 –ге жуық аса бай кітап қоры сирек басылымдардың алтын асыл қазынасы. Сол заманда Абайдың рухани жан азығын байытқан аса қымбат қазына қорда кемеңгер ақын Абайдың көзі тірісінде жазылған нақты дерек көздер туралы қызықты, көпшілікті елең еткізер тың мағлұматтар айтылды. Абай кітап оқу арқылы орыс әдебиетімен танысып, осы арқылы қол жеткізген батыс елдері әдебиеті мен мәдениеті Ұлы ақын таныған кәусарлар болып табылады. Абайдың қолының табы қалған кітапхана қорында сақталған сан қырлы әдебиеттердің ішінде, Абай оқыған кітаптар топтамасының қатарындағы орыс классик жазушыларының кітаптары, батыс Европа ойшылдарының еңбектері Спенсер, Дрепер, Льюис, Милль және т.б. шығармалары мен ресейлік мерзімді басылымдарына тоқталып, Абайдың орыс достары жайлы мол ақпарат берді.