Ағымдағы жылдың 18 қыркүйегінде Абай кітапханасының инстаграм желісіндегі парақшасында Қазақ инновациялық гуманитарлық заң университетінің гуманитарлық факультетінің деканы, «ERUDIT» білім беру-ғылыми орталығының директоры Мамырбеков Арафат Мажитұлымен «Тіл байлығы – ой байлығы» тақырыбында тікелей эфир өтті.
Аталмыш эфир басында кеш қонағы өзінің туылған жері, өскен ортасы жайлы әңгімелеп берді. Сыр-сұхбат барысында Арафат Мажитұлы «ERUDIT» білім беру орталығының құрылу тарихымен, жұмыс барысында кездескен қиындықтарын айтып, сыр тарқатты. Сонымен қатар тіл үйренудегі оңай әрі оңтайлы тәсілдерді де айтып өткен қонағымыз қазақ жастарының тіл тазалығын, тіл үйренуге деген құштарлығын да тілге тиек еткен жайы бар. Сонымен қатар алыс-жақын шет елдерде білім алу, тіл үйрену мәселелеріне де тоқталып, академиялық ұтқырлық, Turkiye Burslari, Erasmus сынды бағдарламалардың тиімді тұстарын да атап өтті. Сонымен қатар оқырмандар тарапынан қойылған сұрақтарға да жауап беруді қалыс қалдырмады.
Эфир соңында кеш қонағы жастарға өзінің ағалық ақыл-кеңесін айтып, тіл үйренуге, жаңа елдерге саяхаттауға талпынуға шақырды.
Comments are closed.