Біздің байланыс телефонымыз: 8 (7222) 52 04 94 · semeybib@yandex.kz
Жаңалықтар
Қыр 23

Жастықтың оты жалындап: тікелей эфир

2020 жылдың 23 қыркүйегінде ШҚО Абай атындағы әмбебап кітапханасының Instagram желісінің тікелей эфирінде дәстүрлі түрде өтетін «Жастықтың оты жалындап» жобасы аясында кезекті жас ақынмен тікелей эфир өткізілді. Эфирдің осы жолғы қонағы қара өлеңге қалам тербеп жүрген жас ақын Темірлан Темірбай болды.
Аталмыш жобаның мақсаты өнерлі жастарды оқырмандарға таныс ету болғандықтан, қонағымыздың туып өскен жерінен бастап, қазіргі таңда айналысып жүрген кәсібіне дейін қанық болдық. Жас ақын өзіне ақындық қасиет кімнен дарығаны, өзінің пір тұтатын ақындары жайлы да айтып берді.
Эфир барысында біздің оқырмандарымызға өз өлеңдерін қонақ кәде ретінде ұсынып, лирикалық және патриоттық сарында жазылған өлеңдерін оқып берді.
Желідегі жүздесуімізді тамашалаған көрермен ақ тілектерін жаудырып жатты. Осы ретте біз де жас ақынның сапарына сәттілік тілеп, қаламынан мөлдір лирика төгілеріне сенім артып, эфирімізді аяқтадық.