Біздің байланыс телефонымыз: 8 (7222) 52 04 94 · semeybib@yandex.kz
Жаңалықтар
Қыр 25

Шығыс – Адалдық алаңы : тікелей эфир

25-қыркүйекте Абай атындағы Шығыс Қазақстан облыстық кітапханасының  Instagram әлеуметтік желісінде «Шығыс – Адалдық алаңы» тақырыбында тікелей эфирі өтті. Оның арнайы қонағы – ШҚО әкімінің штаттан тыс кеңесшісі – «Шығыс – Адалдық алаңы» жобалық кеңсесінің жетекшісі – Маржан Бахыт болды.

«Адалдық алаңы» жобасы Еліміздің Тұңғыш Президенті – Елбасы Н.Ә.Назарбаевтың Жолдауы аясында ҚР Сыбайлас жемқорлыққа қарсы іс-қимыл агенттігінің бастамасымен қолға алынып, қазіргі таңда еліміздің барлық өңірлерінде жобалық кеңселер қызмет етіп келеді. «Шығыс – Адалдық алаңы» – халық үшін қолайлы жағдай жасауға және қоғамдық бақылауды күшейтуге бағытталған жоба.

Маржан Бахыт – «Шығыс – Адалдық алаңы» жобалық кеңсесінің құрылуына тоқталып, жұмыс барысынан ақпарат берді. Тікелей эфирде  жобалық кеңсенің қызметі мемлекеттік қызмет көрсету, білім беру, денсаулық сақтау, халықты әлеуметтік қорғау, сәулет, қала құрылысы, жер қатынастары, Мемлекеттік кірістер, құқық қорғау және сот органдары мәселелеріне қатысты мәселелер сөз болды.

Іс-шара соңында эфир қонағы –  Маржан Бахыт кітапхана ұжымына жүрекжарды алғысын білдіріп, жемісті еңбек тіледі.