22 қазанда Абай кітапханасына PALMA TUR туристік агенттігінің «Туризм менеджері» курсының түлектері келіп, студенттерге экскурсия жүгізілді.
Студенттер кітапхананың құрылу тарихымен, оның бөлімдерімен танысып, Абайдың рухани орталығында болып, «Абай оқыған кітаптар», «Өлкетану басылымдары», «Қазақстан шетелдік зерттеушілердің көзімен», «Абай мұралары әлем тілдерінде» атты экспозициялармен танысты.
Болашақ экскурсовод мамандарға «Абайдың рухани орталығында» 18 ғасырдың соңы мен 19 ғасырда баспа көрген Абай заманындағы сирек әдебиеттер ерекше тартымды әсер берді. Ол заман әдебиеті орыс және шетел классиктері: Пушкин, Лермонтов, Некрасов, Крылов, Гете, Байрон, Гейне және әйгілі Андерсен шығармаларымен көрініс тапқан. Тыңдарман қонақтар Абайдың Семей қаласында қоғамдық кітапхана мен өлкетану музейін, Бастауыш білім беру қоғамын, Императорлық Орыс Географиялық Қоғамының Батыс-Сібір Бөлімінің Семей Бөлімшесінің негізін қалаған саяси жер аударылып келген орыс достарымен таныс болды.
Экспозицияның «Абай мұрасы әлем тілдерінде» бөлімімен танысу көрермендерге Абай мұраларының әлемнің басқа тілдеріне аудармасы туралы түсінік берді. Олар кітап мұражайында сақталған Абай мұрасының алғашқы аудармаларымен танысты, оның бірі 1936 жылдан басталады. Көрмеде Абай шығармаларының әлемнің 9 тіліндегі аудармалары ұсынылған. Олардың ішінде: орыс, ағылшын, араб, венгр, қытай, неміс, сонымен қатар бұрынғы посткеңестік республикалардың тілдері.
Кітапханадағы Абайдың рухани орталығында болу Абай тұлғасы және оның өзін-өзі тәрбиелеу жолдары туралы болашақ экскурсоводтардың білімдерін едәуір кеңейтті. Тыңдаушылар атап өткендей, жаңа білім мен бастапқы дереккөздермен жұмыс істеу мүмкіндігі оларға шығармашылық жұмыстарын жазуға көмектеседі.
Comments are closed.