Жастықтың оты жалындап: тікелей эфир
2020 жылдың 28-ші қазанында ШҚО Абай атындағы облыстық әмбебап кітапханасының Instagram әлеуметтік желісінде әр аптаның cәрсенбі күндері «Жастықтың оты жалындап» жобасы аясында кезекті тікелей эфир ұйымдастырылды. Кеш қонағы Нұр отан партисы жанындағы Жас Отан Жастар қанатының ШҚО филиалының төрағасы, «Абай әлемі» сериясы бойынша өлеңдері жарық көрген, Тарбағатайдың тарланы жас ақын Алмас Айтмұқаш Виленұлы болды.
Сұқбат барысында өзінің шығармашылығына кеңінен тоқталған жас ақын, Тарбағатайдың баурайында еркін өсіп, арланды серік етіп, жылқы жырын жаттап өскені жайлы тілге тиек етіп, шабытты еркін, дархан даладан алатынын айтты. Бүгінгі таңда жастар саясатына кірісіп жүрген, Жас Отан жастар қанатының төрағасы Алмас Виленұлы, қоғамдағы түйіткілді мәселені, тас түйінін де шет қалдырмай, бойындағы ақындық қасиетімен өлеңіне қосып, қызметімен шығармашылығын бірдей алып жүретінін айтты. Өйткені, ақын қоғамнан алшақтамай біте қайнасып жүру керек, ақыл ой кеңістігімді, ішкі әлемді осы ақындықпен жеткіземін деп ағынан жарылды. Ел аманатын абыройлы атқарып жүрген Алмас, өлеңсіз өмірі бекер екенін танытып, кітапхана оқырмандарына өлеңмен өрнек салды. Көркем мінез, ақынды алға жетелейді деген жас ақын, алдағы жетер мақсатында да тоқталды.
Кеш соңында қонағымызға оқырмандар мен әріптестеріміз, ақ жарма тілегін білдіріп, шығармашылық табыс тілеп, сұқбатымызды тамамдыдық.
