Сыйға тартылған кітап!
Абай атындағы кітапханада елеулі оқиға орын алды!
Бүгін Кентау қаласы мен Оңтүстік Қазақстан облысының Құрметті азаматы, Қазақ КСР-нің еңбек сіңірген кеншісі, «Отан» орденінің кавалері Сақ Мәуленқұловтың (1926 – 2017) туыстары оның «Кентау аңызы» атты кітабын табыстады.
Мәуленқұлов Сақ Мәуленқұлұлы өзінің саналы ғұмырын тау-кен ісіне және Кентау қаласының дамуына арнады. Сақ Мәуленқұлов «Ащысайтүстіметалл» комбинатын абыроймен басқарған 17 жыл «Кентаудың жұлдызды жылдары» деп атанды, ал Сақ Мәуленқұловтың өзі Кентаудың аңызы деген атқа әбден лайық.
Кітапқа Сақ Мәуленқұловтың жазған мақалалары, естеліктері, өлеңдері, өзге де кітаптарынан алынған үзінділер, Сақ Мәуленқұловтың достары мен замандастарының, туған-туысқандарының жазған естеліктері енгізілген.
