Балаларды шеберлікке баулу тәсілдері («Шебер қолдар» үйірмесінің іс-тәжірибесінен): тікелей эфир

11-ші қараша күні Абай атындағы кітапхана қызметкерлері Шығыс Қазақстан облысының аудандық, ауылдық кітапханаларының кітапханашыларына арнап, Instagram парақшасында «Шебер қолдар» үйірмесінің жетекшісі Светлана Александровна Зубковамен әдістемелік бағытта тікелей эфир ұйымдастырды.

Бүгінгі таңда баланың жеке басын қалыптастыруда шығармашылық үйірмелердің  маңызы өте зор. Үйірмелер арқылы баланың шығармашылық әлеуеті ашылып, ойлау, қиял, табандылық қасиеттері,  саусақтарының ұсақ моторикасы дамиды.  Светлана Александровна әр сабағын қызықты өткізіп, өз жұмысында  жаңа технологияларды  кеңінен  қолданады. Осылайша, ол әр балаға өзінің шеберлігін жеткізіп, шығармашылыққа деген сүйіспеншіліктерін оятуға тырысады.

Шара барысында жетекші қітапханашыларды жаңа технологялармен, шығармашылықта қолдануға болатын материалдармен, (саз балшық, фоамиран,  қалыптар, витраждар  және т.б.) таныстырып,  жергілікті жерлерде үйірме жұмысын жетілдіру бойынша өзінің ұсыныстарын берді.

Шара соңында Светлана Александровна кітапханашылардың: Сіз қанша уақыттан бері шығармашылықпен айналыса бастадыңыз? Сізді  не шабыттандырады? Ересек аудиториямен жұмыс жасау жоспарыңызда бар ма? және т.б. сұрақтарға  жауап берді.