Абай Құнанбайұлы және әлемдік мәдениет: бейнеконференция
23 қараша күні Zoom платформасында бейнеконференция форматында Қазақстан Республикасының Эстония еліндегі Елшілігінің және Қазақстан Республикасының Мәдениет және спорт министрлігінің қолдауымен Қазақстан Республикасының Ұлттық академиялық кітапханасы ұйымдастырған «Абай Құнанбайұлы және әлемдік мәдениет» атты халықаралық дөңгелек үстел өтті. Конференцияға Қазақстан Республикасының Эстония Республикасындағы Төтенше және Өкілетті Елшісі Нұрлан Мұсатайұлы Сейтімов, Эстония Жазушылар одағының төрағасы Тиит Алексеев, ақын, «Алаш» әдеби сыйлығының лауреаты Қазақстан Жазушылар одағының Нұр-Сұлтан қ. филиалының төрағасы Дәулеткерей Кәпұлы, Эстония Мәдениет министрлігі мәдени әртүрлілігі бөлімінің кеңесшісі Артем Теплюк, филология ғылымдарының докторы, профессор Негимов Серик, әдебиет сыншысы, жазушы, профессор Рейн Вейдеманн, Таллин орталық кітапханасының мәдени әртүрлілік бөлімінің қызметкері Надежда Геряк, Шығыс Қазақстан облыстық Абай атындағы әмбебап кітапханасының қызметкері Буркитова Лаура Булатбекқызы қатысты. Іс-шара барысында достас елдер арасындағы ынтымақтастық және оны одан әрі дамыту мәселелері, Эстония астанасы Таллинде қазақ мәдениеті мен әдебиеті орталығын ашу мәселелері талқыланып, ақын Абай Құнанбаевтың өлеңдеріне әндер орындалды. Абай кітапханасының маманы конференцияға қатысушыларды Абай есімімен тығыз байланысты кітапхана тарихымен, ақын оқыған кітаптармен және Абай Құнанбаевтың әлеуметтік қызметі көрсетілген сирек кездесетін өлкетану басылымдарымен таныстырды. Конференция дөңгелек үстелге қатысушылардың барлығының «Көзімнің қарасы» әнін орындаумен музыкалық нотада аяқталды.
