ЭКСПО- 2017: Қазақстанның жемісі мен жетістіктері
ШҚО Абай атындағы кітапхана қызметкерлері қыркүйек айының 25 жұлдызында қаламыздың №8 Балалар үйінде «ЭКСПО- 2017: Қазақстанның жемісі мен жетістіктері» атты хабарламалық шолу өткізді.
Хабарламалық шолу. Өткізілген күні: 25 қыркүйек 2013 жыл. Өткізілген орны: №8 Балалар үйі. Қатысушылар: Балалар үйінің тәрбиеленушілері. Қатысушылар саны: 22. Шараның мақсаты: Дүниежүзілік ЭКСПО- 2017 көрмесінің өтуі мен маңызы туралы кең көлемде мәлеметт беру.
ШҚО Абай атындағы кітапхана қызметкерлері қыркүйек айының 25 жұлдызында қаламыздың №8 Балалар үйінде «ЭКСПО- 2017: Қазақстанның жемісі мен жетістіктері» атты хабарламалық шолу өткізді. Шара барысында қатысушыларға Астанада өтетін «ЭКСПО-2017» Дүниежүзілік көрмесі және Халықаралық көрмелер бюросының жұмыстары жайында көптеген мәліметтер берілді. Сонымен қатар, қатысушылар назарына әр елде өткізілген Халықаралық көрмелердің видеодеректері ұсынылды. Еліміздің жас және ең әдемі астанасы – Астана қаласының қазіргі және құрылғаннан кейінгі бес жылдан кейінгі жаңа келбеті туралы, Республика бойынша бірнеше аймақтарда желдің көзінен қуат алатын жел энергия станцияларының жұмыс жасап жатқандығы жайында ақпараттар берілді. Астана жеңіске жеткен жағдайда, ЭКСПО –2017 көрме қалашығы толықтай баламалы энергия көздері арқылы жұмыс жасайтын болады. Әлем бойынша энергетика саласындағы кешенді мәселені шешу – энергетикалық балансты баламалы қуат көздерімен толықтыруға тікелей байланысты. Еліміздің географиялық жағдайы жел, күн және су энергиясын молынан пайдалануға мүмкіндік береді. Қазақстан сағатына 1 трлн кв энергия өндіруге мүмкіндігі бар. Бұл ретте әлемдік қауымдастыққа «ЭКСПО»-ны өткізу үшін «Болашақ энергиясы» тақырыбын ұсынған Қазақстан тек елде ғана емес әлемдегі ең өзекті, тіптен өмірлік маңызы бар мәселені көтеріп отыр. Шара барысында сондай-ақ климаттың өзгеруі, болашақтағы энергия мен экология қауіпсіздігі және баламалы энергия көздері туралы тың мәлеметтер берілді. Шара соңында оқушылар «ЭКСПО- 2017» туралы қызықты мәлеметтерге алғыстарын айтып, естелік фотоға түсті.