Қазақстан Республикасының тұңғыш Президенті күні: ақпарат сағаты

Қазақстан Республикасының Тұңғыш Президенті күніне орай 27 қараша күні  Абай атындағы кітапхана қызметкерлері Семей қаласының Ішкі істер басқармасы қызметкерлеріне «Қазақстан Республикасының тұңғыш Президенті күні» атты ақпарат сағатын өткізді.

Шара барысында Нұрсұлтан Әбішұлы Назарбаевтың өмірбаянымен, саясаттағы, экономикадағы, мәдениеттегі атқарған істеріне талдау жасалынып, тәуелсіз Қазақстанның халықаралық аренадағы ролі жайында айтылып өтті.

Ақпараттық сағат барысында келушілердің назарына Қазақстан Республикасының Тәуелсіздік жылдарындағы ұлт Көшбасшысының қызметін көрсететін әдебиеттермен таныстыру бағытында кітап көрмесі ұсынылып, шолу жасалынды.

Көрмеге ҚР Тұңғыш Президенті Н. Ә. Назарбаевтың өмірі мен қызметі және оның қазіргі тарихтағы рөлі туралы 50-ден аса кітап қойылды, олардың ішінде: “Наш Президент”, “Размышления о лидере”, “Президент Жолдауы тарих толқынында”, “Нұрсұлтан Назарбаев. Законы лидерства”, “Қазақстан Республикасының Тұңғыш Президенті Нұрсұлтан Назарбаев: қызмет хроникасы”, “Первый: Қазақстан Республикасының Президенті туралы очерк”, “Елбасы сыныптастары және т.б. кітаптар орын алды. Көрмені Н. Назарбаевтың  әр жылдардағы қызметтерінен сыр шертетін фотосуреттері толықтырды.

Шара соңында Ішкі істер басқармасы қызметкерлеріне Абай атындағы кітапхананың тарихы мен қызмет бағыттары танысырылып өтті.