Сандар сыр ашады: тікелей эфир

Абай атындағы кітапхана 25 желтоқсан күні Instagram әлеуметтік желісінде Қазақстанда белгілі нумеролог Құралай Бақытқызымен онлайн сұхбат өткізілді. Маман нумерологияның нақты ғылымға жататынын айтып, нумерологияның негізін қалаушы Пифагор екенін айтып, тарихына тоқталды. Тақырып тың болғандықтан оқырмандар өте қызығушылық  танытып тыңдады.

Оқырмандардың көпшілігі 2021 жыл қандай жыл болады деген сұрағына,  келер жылдың энергетикасы 5 санына сәйкес келетіндіктен, жұмсақ,  жүректі,  өзгеріске толы,  жахандану, қалыптасқан көп жүйені, стереотиптерді  бұзатын өзгерістер әкелетін жыл.  Сонымен қатар адамдар өз құндылықтарына мән беріп, мамандықтарынан бөлек, басқа кәсіптерді игеретін, оқуға, рухани дамуға мән беретін,  өкімет тарапынан әлеуметтік бағытта жұмыс жасалатын, баспана алуға мүмкіндіктер болатын  жыл деп жауап берді маман.

Құралай Бақытқызы адамның  бәсекеге қабілетті жан-жақты дамып, өзінің даму бағыттарын, қабілеттерін,  жалпы өмірлік миссиясын білуге, Абайша айтқанда толық адам болып қалыптасуда нумерологияның орны ерекше екендігін атап өтті.

Оқырмандардың тұрмыс құру уақытын, мінез ерекшеліктерін, бизнес бағыттарын, өмірлік миссияларын  және т.б. қызықты фактілерді айтып берген маман, туған күн даталарына қарап адам туралы толық мағлұматтарды айтуға болатынын жеткізді.