Біздің жаңа басылымдар: Ақпарат күні

2013 жылдың 9 қазан күні Шығыс Қазақстан облыстық Абай атындағы әмбебап кітапханасында «Ақпарат күні» өткізілді.

Өтетін жері: Абай атындағы әмбебап кітапхана. Өткізілген күні: 9 қазан 2013 жыл. Қатысушылар: Абай атындағы кітапхана қызметкерлері. Қатысушылар саны: 18. Шараның мақсаты: кәсіби мамандарға көмекші құрал ретінде жаңа шыққан өлкетану құралдарымен таныстыру. Күтілетін нәтиже: өңіріміздің әдебиет пен өнер саласындағы тұлғалары туралы құрастырылған библиографиялық құралдар арқылы білімдерін кеңейту және оқырмандарына насихаттау.

2013 жылдың 9 қазан күні Шығыс Қазақстан облыстық Абай атындағы әмбебап кітапханасында «Ақпарат күні» өткізілді. 2006 жылдан бастап кітапхананың бірнеше библиографиялық тақырыптық өлкетану құралдары жарыққа шығып оқырмандарына жол тартқан болатын. Олардың барлығы оқырмандардың сұранымдарын қанғағаттандыру мақсатында құрастырылды және таратылды. «Семей өңірінің ақын-жазушылары», «Семейдің әнші-сазгерлері», «Семей қаласының тарихи-мәдени орындары» Абай атындағы кітапхананың 130 жылдық мерейтойына арналып, қайта толықтырылып, өңделіп көпшілікке ұсынылды. Қатысушыларға таныстырылған бұл басылымдардың кітапханашыларға, өлкетанушыларға, студенттерге және жалпы туған жерін танып-білем деушілерге көмекші құрал ретінде мазызы зор.