Сыйға тартылған кітаптар
Шығыс Қазақстан облыстық Абай атындағы әмбебап кітапханасының қызметкерлері 2013 жылдың 7 қазан күні Абайдың мемлекеттік тарихи-мәдени және әдеби-мемориалдық қорық мұражайының ұйымдастырумен өткен әдеби кездесуге қатысты.
Өткізілген күні: 7 қазан. Өткізілген орны: Абайдың мемлекеттік тарихи-мәдени және әдеби-мемориалдық қорық мұражайы. Қатысушылар: жазушылар, ғалымдар, өлкетанушылар, мәдени мекеме қызметкерлері, кітапханашылар.
Шығыс Қазақстан облыстық Абай атындағы әмбебап кітапханасының қызметкерлері 2013 жылдың 7 қазан күні Абайдың мемлекеттік тарихи-мәдени және әдеби-мемориалдық қорық мұражайының ұйымдастырумен өткен әдеби кездесуге қатысты. Қатысушылар өңіріміздің мақтанышы, белгілі қоғам қайраткері, журналист, жазушы Сұлтан Оразалының балалық шағынан бастап, жазушы, қайраткерлікке дейін көтерілген бүкіл саналы шығармашылық ғұмырын бейнелейтін «Руханият сардары» атты бейнефильмді тамашалады. Танымал тележурналист, белгілі жазушы, білікті баспагер, айтулы аудармашы, көрнекті мемлекет қайраткерінің әрбір сөзі тыңдаушыларын баурап алып, ұмытылмас жылы әсерге бөлейтіндей дидарласу болды. Қаламгер Сұлтан Шәріпұлы сөзінің соңында кітаптарының бірнешеуін Абай атындағы кітапханаға сыйлап, «кітап оқитын оқырмандарың көп болсын» деген жүрекжарды тілегін жеткізді. Үш томдық шығармалар жинағы, «Теледидар өнері», «Тұлға» кітаптары Абай атындағы кітапхананың өлкетану қорын байытатын құнды дүниелер болды.
