«Абай мұрасы»: тікелей эфир

  • 26.02.2021

Абай атындағы кітапхана 26 ақпан күні ZOOM платформасында Қарағанды облыстық Н.В.Гоголь атындағы ғылыми  әмбебап кітапханасының ұйымдастыруымен атты тікелей эфир шарасына қатысты.

Эфир барысында кітапхана қызметкері шара қонақтарын бүгінгі күні хакім Абайдың атын иеленіп отырған киелі қара шаңырақ Семейдің қоғамдық кітапханасының тарихымен,  бүгінгі келбетін бейне сюжет көмегімен таныстырды.

Ұлы Абай мұраларымен, ақын сусындаған рухани қазыналармен, ақын тұлғасына қатысты сирек дереккөздермен таныстыратын «Абайдың рухани орталығы» жайлы кең ақпарат берілді. Әңгіме барысында «Абайдың рухани орталығына» бейнесаяхат жасалып, кемеңгер тұлғаға қатысты сирек кездесетін басылымдарға басты назар бағытталды.

Бүгінгі таңда кітапханашылар қауымын толғандырып отырған сирек кездесетін құнды түпнұсқа-дереккөздердің сақталу, жөнделіп, қалпына келтірілу мәселелері жайлы сұхбат өрбіді. Кітапханамыздың «алтын» қорының сақталу жағдайы әңгімеленіп, қазіргі таңда қорларды сақтау бағытында атқарылып отырған жұмыстармен таныстырылуымен онлайн шара қорытынды мәресіне жетті.