Кітап беттеріндегі әйел тағдыры: кең көлемді кітап көрмесі

8 наурыз – Халықаралық әйелдер күніне орай 3 наурыз күні Абай кітапханада «Кітап беттеріндегі әйел тағдыры» атты кең көлемді кітап көрмесі ұйымдастырылды.
Балаға тәрбие беруден бастап қоғамның кез келген салаларында да ойып орын алған аналарымыз жетерлік. Осы ретте жанқиярлық ерлігімен, талайды тәнті еткен өнерімен, ақыл-парасатымен ел есінде мәңгі сақталатын Қазақ әйелдерінің өміріне қатысты кітап беттеріндегі қызықты деректер топтамасы кітап көрмесіне қойылған басылымыдар арқылы оқырмандар назарына ұсынылды.

Әйел атты нәзік жандардың тағдыры туралы сыр шертетін кітап көрмесінен «Ұлы даланың ұлы қыздары», «Қазақ тарихындағы әйелдер» И.Серкебаеваның «Бибігүл Төлегенова», «Ақ үйдің бірінші ханымдары», «Күйші Дина», «Қаһарман қыз Хиуаз» т.б. тамаша туындылар және қазақ жазушыларының әйел тақырыбына арналған шығармалары орын алды.
Нәзік жандылардың тағдыры шығарманың негізгі арқауына айналып, қазақ қаламгерлерінің туындыларының басты кейіпкерлеріне айналды. Мәселен, Жүсіпбек Аймауытовтың «Ақбілек» романы мен «Күнікейдің жазығы» повесі әйел тағдырымен қатар, дәстүрлі қазақ отбасындағы құндылықтар тақырыбын қозғайды. Смағұл Садуақасұлының «Күлпаш» әңгімесін ерекше айта аламыз. Автор Күлпаш бейнесі арқылы қала мен ауыл арасындағы айырмашылықтарды ашады. Шара барысында осындай тамаша шығармалардағы әйел кейіпкерлері туралы ақпараттар берілді.

Пайдаланушылар кітап көрмесіндегі батыр аналар, ақын, суретші, кино және театр әртістері, саясаткер, спортшылар жайында қызықты ақпараттар мен фотосуреттермен жақынырақ танысты.

Шара соңында М.Төлеубаев атындағы музыкалық колледжінің студенттері Юсупова Дариға мен Бейсембай Нұрислам барлық аналар мен қыздар қауымын меркелерімен құттықтап қобыз бен сазсырнай аспабында «Ана туралы жыр» атты музыкалық сазды сәлем жолдады.

Құрметті біздің оқырмандар, Сіздерді келе жатқан
8 Наурыз – Халықаралық Әйелдер күнімен құттықтаймыз!
Көңілдеріңіз көктемдей болсын, өмірлеріңіз мәнді, сәнді қуанышқа толсын!