Кітаппен білім әлеміне: онлайн кездесу

  • 12.03.2021

11 наурызда ZOOM платформасында «Отбасы орталығы» ҚҚ ұйымдастырған №8 балалар үйінің тәрбиеленушілерімен «тәлімгерлер» жобасы аясында       Абай атындағы Шығыс Қазақстан облыстық әмбебап кітапханасының тарихы, қызметімен танысу және балалар оқуын дамыту мақсатында тағы онлайн кездесу өтті.

Іс-шара барысында балалар үйінің тәрбиеленушілері Абай Құнанбаев оқырманы болған біздің кітапхананың тарихымен, Батыс ойшылдарының және ақын кітапханада оқыған орыс жазушылары мен ақындарының шығармаларымен, сирек кездесетін Абайдың әлеуметтік қызметін ашатын тарихи басылымдармен, және ақынның әлем халықтары тілдеріндегі шығармаларымен танысты.

Балаларды әсіресе ескі орыс тілінде жазылған және Палех шебері Иван Голиков бейнелеген түрлі-түсті «Игорь жорығы» (1934) басылымы, энциклопедиялар, музыкалық кітаптар, 3D және 4D форматындағы кітаптар, балалар әдебиеті кітапханасында бар жарқын басылымдар және басқалары қызықтырды.

Кездесу соңында №8 балалар үйінің тәрбиеленушілеріне жалпы оқуға арналған «Бір ел – бір кітап» республикалық акциясына енгізілген балалар жазушыларының шығармалары туралы және Қазақстандағы балалар мен жастардың оқуын қолдау жылы аясында 2021 жылы «Абай әлемі» кітаптар сериясында шығатын Шығыс Қазақстан жазушылары туралы ақпарат берілді.