Бір елдің прозасы: шолу
16 наурызда ШҚО Абай атындағы кітапхананың каворкинг орталығының оқырмандары үшін “Бір ел – бір кітап” республикалық акциясы аясында Қазақстан Республикасы Тәуелсіздігінің 30 жылдығына арналған “Бір елдің прозасы” атты кітап шолуы өткізілді. Елімізде 2021 жыл Тәуелсіздік жылы деп жариялануына байланысты “Бір ел – бір кітап” республикалық акциясы Тәуелсіздігіміздің 30 жылдығына арналған болатын. “30 кітап – Тәуелсіздіктің 30 жылдығына” атты акция аясында бүкілхалықтық оқуға белгілі қазақстандық авторлардың поэзия, проза, драматургия, балалар әдебиеті мен аударма саласындағы үздік 30 шығармасы таңдалып алынды. Шолудан оқырмандар акцияның тарихы туралы мәлімет алып, қазақстан жазушылары Т.Нұрмағамбетовтің “Періштелердің өлімі”, Т. Жармағамбетовтың “Отамалы”, С. Досжанның “Қасірет пен тағдыр”, Ю. Серебрянскийдің «Дәмді де пайдалы қазақстандық әдебиет», Д. Қуаттың «Бөрісоқпақ», Т.Сәукетайдың “Желқайық” шығармаларына ерекше назар аударды.
