«Ғұмар Қараш-Алаш тұлғасы» бейнедәріс
2021 жылдың 17 наурыз күні ШҚО Абай атындағы әмбебап кітапханасының ZOOM платформасында әр сәрсенбі күні «Алаш» жобасы аясында өткізілетін тікелей эфирінің қонағы Махамбет Өтемісұлы атындағы Батыс Қазақстан университетінің доценті, тарих ғылымдарының кандидаты, алаштанушы, ғұмартанушы Бақтылы Сансызбайқызы Боранбаевмен «Ғұмар Қараш-Алаш тұлғасы» тақырыбында тікелей эфирде бейнедәріс өтті.
Аталмыш шарада көрнекті ақын, ойшыл-философтың қоғамдық-саяси өмірі мен қызметі, мұрағаттық деректері, қолжазбалар мен мерзімді басылым беттеріне жарияланған естеліктері және сонымен қатар көптеген жылдар бойғы ғылыми-педагогикалық шығармашылық қызметі сөз болды.
Бақтылы Сансызбайқызы жеке қорынан алынған:
«Алаш» электрондық кітапханасына Ғұмар Қарашұлының:
– Ғұмар Қараштың Кеңестік билік тұсындағы қызметі;
– Ғұмар Қараштың ағартушылық қызметі;
– Ғұмар Қараштың Алаш қозғалысындағы орны мен рөлі;
– Жұртым, саған не болды?- атты мақалалармен толықты.
Аталмыш дәріс кезінде Ғ.Қараштың өмірбаяндық, қайраткерлік т.б. кезеңдерінен мәлімет беретін мағлұматтар айтылды. Шара барысында алаш зиялысының мерзімді басылым беттерінде жарияланған мақалалары слайд түрінде көрсетілді.