Қазақ халқының «Бесікке салу» дәстүрі: танымдық сағат

18 наурыз  күні Абай атындағы кітапханада  Ұлыстың Ұлы күні Наурыз мерекесі қарсаңында, «Дәстүр және ғұрып» жобасы аясында өскелең ұрпақты халқымыздың ғасырдан ғасырға жалғасып келе жатқан салт – дәстүрі  баланы бесікке бөлеудің, бесік жырының маңызын ұғындыру мақсатында  «Бесікке салу» атты  танымдық сағатын өткізді. «Бесікке салу» рәсімін өткізуге  кітапхана қызметкерлері нәресте бесігін, бесік жабдықтарын, ұлттық киімдер, кемешек, басқұр, тұмар және т.б.керекті заттарды дайындады.

Қазақтың рухан құндылықтарының бірі – бесікке салу дәстүрі. Бесік – жаңа туылған бала үшін, қасиетті мүлік, алтын ұя болып есептеледі. Қазақтар балаларын бесікке жатқан кезінен бастап тәрбиелейді. Шара барысында кітапхана қызметкерлері «Бесікке салу»,  қазіргі кезде ұмытылып бара жатқан «Тыштырма» дәстүрлерін  көрсетіп, бесік жырын  жырлады, «Хош келдің – Әз Наурыз» тақырыбында кең көлемді этнографиялық кітап көрмесін жасақтап,  оқырмандар назарына ұсынды.

Іс-шараға «ТВК-6» және «Семей» телеарналарының журналистері қатысты.