Табиғат әлеміне саяхат: танымдық сағат
Тәуелсіз Мемлекеттер Одағы 2013 жылды Экологиялық мәдениет және қоршаған ортаны қорғау Жылы деп жариялады. 19 қазан 2013 жылы Шығыс Қазақстан облыстық Абай атындағы әмбебап кітапхана қызметкерлері мәдени сенбілік акциясы аясында «Табиғат әлеміне саяхат» атты іс-шара ұйымдастырды.
Өткізілген уақыты: 19 қазан 2013 жыл. Өткізілген орны: №8 балалар үйі. Қатысушылар: №8 балалар үйінің тәрбиеленушілері. Қатысушылар саны: 19 адам. Мақсаты: экологиялық-мәдени тәрбие беру, қоршаған ортаны эстетикалық жағынан қабылдауға үйрету. Күтілетін нәтиже: табиғатқа ұқыптылықпен қарау, Жер бетіндегі тірі жанға жауапкершілікпен қарау.
Тәуелсіз Мемлекеттер Одағы 2013 жылды Экологиялық мәдениет және қоршаған ортаны қорғау Жылы деп жариялады. 19 қазан 2013 жылы Шығыс Қазақстан облыстық Абай атындағы әмбебап кітапхана қызметкерлері мәдени сенбілік акциясы аясында «Табиғат әлеміне саяхат» атты іс-шара ұйымдастырды.
Біздің табиғатымыздың сұлулығы шексіз. Керемет көрініс көз тойдырады. Табиғатта қозғалыс, тіршілік, сұлулық бар. Әсіресе адамға орман ландшафтысы жағымды әсер етеді. Орман керемет көркем суреттер мен кез келген ғажайып ертегілерден де ғаламат.
Табиғат – жаратылыстың ғажап туындысы. Табиғатта болып жатқан алуан түрлі оқиғалар желісі, алуан түрге енетін әуе кеңісі, қызыл-жасылды түзілген ағаштар жемісі бәрі-бәрі адам баласының таңдайын қағып, таңқалдыратыны сөзсіз. Міне, сондықтан да адам баласының табиғатты жырлауға шеберлігі, табиғатпен сырласатын көрегендігі осының айғағы.
Табиғатқа адамзаттың қыруар өлшеусіз қарыздылығы оның табиғат тынысын тазартып, аялай білуімен қатар, кәдуілгі көркем бейнесін қалпына келтіріп, әлемнің жеті кереметін жетпіс кереметке жеткізуімен өлшенеді.
Қазіргі қоғамның озығы мен тозығы табиғатқа қарап үйренудің нәтижесінде дамып отырды, адам миының пісіп-жетіліп озығының басым болуына ықтимал болды. Дүниеге зуылдайтын заманауи зымырандар, адуынды автомобильдер, ұшарда ұршық иіретіндей тікұшақтар, мықты моторлы қайықтар, ақыр аяғында роботтар келді.Ғылымда озық техниканың жетістігі ретінде айтылғанымен, оның барлығы ой тұрғысынан алғанда құпияға бай табиғаттан үйренудегі адам баласының жетістігі екендігі хақ.
Сондықтан экологиялық тәрбиелеу және үйрету шараларын мектеп қабырғасынан-ақ басталуы керек. Бұл танымдық сағат балаларға табиғат әдемілігі мен маңыздылығын ашып, олардың осы саладағы ой-өрісін кеңейтті деген ойдамыз. Бұл балалардың табиғатқа деген сүйіспеншілігі одан әрі арта түсті деп сенеміз.
Іс-шара барысында тақырыпқа байланысты слайдтар көрсетілді. Балалар сұрақтарға белсенді түрде жауап беріп, орманда жүру ережесін шығарды. Өсімдіктер, жануарлар, табиғатқа байланысты мерзімді басылымдардан көрме безендірілді. Көрмеде қазақ және орыс тілдеріндегі материалдар көрсетілді.