Әз Наурыз – ұлттық сананың, ұлттық бірліктің жарқын көрінісі: этнографиялық мереке  

20 наурызда Семей қаласының Ішкі істер бөлімінде Абай кітапханасының мамандары «Әз Наурыз – ұлттық сананың, ұлттық бірліктің жарқын көрінісі»  тақырыбында этнографиялық көрме- мерекесін өткізді. Шара барысында ішкі істер басқармасының қызметкерлері сан ғасырлық тарихы бар Наурыз мерекесімен, әдет-ғұрыптармен, ұрпақтан-ұрпаққа  жеткен дәстүрлермен танысты. Наурыз мейрамын басқа түркі халықтарының арасында тойлау дәстүрлері, олардың ұлттық тағамдары, ойындары мен әдет-ғұрыптарына ерекше қызығушылық танытты. Мереке барысында қазақтың дәстүрлерінің бірі «Бесікке салу» рәсімі кқрсетілді, іс-шараға қатысушылар «Бесікке салу» рәсімінің тарихымен және оның орындалуымен танысты.
Іс-шараға қатысушылар ұлттық құндылықтар, қазақ халқының салт-дәстүрлері, Наурыз мейрамының пайда болуы мен мерекеленуі, қазақтың ұлттық киіз үйі, ою-өрнектері, ұлттық тағамдары, киімдері туралы баяндайтын кітап көрмесімен танысты. Наурыз дәстүрлері туралы көптеген қызықты мағлұматтар алды.
Этнографиялық мерекені ұйымдастырған кітапхана мамандары Р.Х.Адикаева мен Г.К.Омарбаева Қазақстан Республикасының мерекелері мен мерейтойларына арналған іс-шараларды өткізуге белсенді қатысқаны үшін алғыс хаттармен марапатталды.