“Абай әлемі” 2018 -2020 кітаптар топтамасы: Абай Құнанбайұлы атындағы мешіттің ашылу салтанатына ұсынылған кең көлемді кітап көрмесі
Бүгін Семей қаласында сыйымдылығы 2500 орын болатын Абай Құнанбайұлы атындағы мешіттің ашылу салтанаты болды. Ашылу салтанаты қонақтарына Абай атындағы кітапхана қызметкерлері “Абай әлемі” 2018-2020 кітаптар топтамасы тақырыбында кең көлемді кітап көрмесін ұйымдастырды. Мешітің ашылу рәсімін қазақ жазушысы, драматург М.Шаханов, театр және кино актері, режиссер, өнер қайраткері А.Әшімов және мешіттің салынуына мұрындық болған меценат Т.Тәстекеев, Қазақстан мұсылмандары діни басқармасының төрағасы болып Наурызбай қажы өткізді.
Көрмеге “Абай әлемі” – топтамасының 2018 жылғы басылымындағы Шығыс Қазақстандық авторлардың Абай Құнанбаев, Шәкәрім Құдайбердіұлы, Мұхтар Әуезов, Анатолий Иванов, Борис Щербаков шығармалары, Әміре Қашаубайұлы туралы естеліктер жинағы және Ф.М. Достоевскийдің «Семипалатинский период о жизни», сондай-ақ «ХІХ-ХХ ғғ. Өлкетанушылар Шығыс Қазақстан туралы» жинағы, Станислав Черных «Неутомимый краевед Рудного края» жинағы, Шығыс Қазақстанның тарихы мен мәдениетіне өз үлесін қосқан көрнекті тұлғалар туралы, ақындар Нұрлыбек Баймұратов пен Қалихан Алтынбаевтың шығармалары және жас талантты ақын-жазушылардың жырлары енген жинақтары таныстырылды.
2019 жылғы басылымындағы Тыныштықбек Әбдікәкімовтың «Жұмақ күн», Қалихан Алтынбаевтың «Қайран өмір…», Көпен Ерқасовтың «Елім менің», Айтмұхамбет Қасымовтың «Туған жер әуендері», Бақытжан Раисованың «Желдің күн беті», Станислав Черныхтың «Неутомимый краевед Рудного края», Мерей Қарттың «Қарашықтағы құбылыстар» , Бауыржан Игілік пен Қызырбек Дүргінбайдың шығармалары және қаламыздың отыз сегіз, жас қаламгерлерінің шығармашылығынан құралған «Жастықтың оты жалындап» атты жинақтары қатысушылар назарына ұсынылды.
2020 жылығы басылымындағы Абайтанудың 5 томдық кітабымен және 1909 жылы басылып шыққан репринттік басылымы – «Қазақтың ақыны Ибраһим Құнанбайұғлының өлеңі», 4 томдық «Абай және ақын шәкірттер мұрасы», Т. Жұртбайдың «Рух сұлтандары» , Б.Щербаков орыс және ағылшын тілінде жарық көрген «Звездная степь Жидебая» шығармасы, Сапарғали Әлімбетовтың және т.б ақын жазушылардың шығармалары ұсынылды.
