Ұлтымыз ұлыстың ұлы күнін ұлықтайды: (ақын, сазгер, мәдениет қайраткері Құсмилә Нұрқасыммен) тікелей эфир
Ұлыстың ұлы күні Әз-Наурыз мерекесіне орай 20 наурыз күні Абай кітапханасының Facebook әлеуметтік желісінің тікелей эфирінде белгілі ақын, сазгер, қоғам және мәдениет қайраткері Құсмилә Нұрқасыммен «Ұлтымыз ұлыстың ұлы күнін ұлықтайды» атты тікелей эфир өтті. Эфир барысында кеш қонағы түбі бір түркі халықтарына ортақ Наурыз мерекесі жайлы әңгімелеп, ұмыт болып бара жатқан салт-дәстүрлеріміз жайлы да айтып берді. Сонымен қатар Наурыз тойын тойлауда өзге ұлттармен салыстырғанда қазақ халқының әр аймағында кездесетін ерекшеліктерін де тілге тиек етті. Оқырмандар тарапынан қойылған сұрақтар да өз жауабын тауып, сұрақ иелерінің көңілінен шықты. Кеш соңында Құсмилә Жырғалұлы оқырмандарды Наурыз мерекесімен құттықтап, ақ батасын берді.