Ағылшын тілі курсы
Шығыс Қазақстан облыстық Абай атындағы әмбебап кітапханасында 2013 жылдың 23 қазан күні оқырмандардың арнайы сұраныстары бойынша «ағылшын тілі» курсы басталды.
Өткізілген күні: 24 қазан 2013 жыл. Өткізілген орны: Шығыс Қазақстан облыстық Абай атындағы әмбебап кітапханасы. Қатысушылар: кітапхана оқырмандары, Шәкәрім атындағы мемлекеттік университетінің екі шет тілдер филология факультетінің 1 курс студенттері. Қатысушылар саны: 20. Мақсаты: оқырмандарды ағылшын тіліне үйрету, шет тілдер бөліміндегі әдебиеттермен таныстыру.
Шығыс Қазақстан облыстық Абай атындағы әмбебап кітапханасында 2013 жылдың 23 қазан күні оқырмандардың арнайы сұраныстары бойынша «ағылшын тілі» курсы басталды.
Ағылшын тілі курсын шетел әдебиеттер бөлімінің мамандары өткізеді. Курс 32 сағатқа арналған, аптасына екі рет өтеді, оқу барысында курсқа қатысушылар ағылшын тілі алфавитін, грамматикасын, фонетикасын және қосымша ағылшын тіліндегі журналдары оқып меңгереді. Ағылшын тілін үйренушілер Raymond Murphy «English Grammar in Use», Ю. Голицынскийдің кітаптарымен грамматикалық жаттығулар орындап, ағылшын тіліндегі қызықты кітап –журналдарды оқып, еркін сөйлеуге қалыптасады. Курстың қатысушыларына сөздік қорын байытатын, ойлау қабілетін дамытатын ағылшын тіліндегі ойындар “Say Anything”, “Apples to apples”, “ Taboo”, “ Scarabble”, “ Monopoly” қолданылады.
Курсқа келуші студенттердің бірінші кезекте ағылшын тіліндегі білім деңгейлері арнайы тест арқылы тексеріледі. Тест арқалы курсқа қатысушылардың деңгейі анықталған соң, оларды бастапқы және жалғастырушы топтарға бөледі.
Бастапқы топқа қатысушыларға ағылшын алфавитінен басталып оқытылса, жалғастырушы топ жоғары деңгейде дәріс ала алады.
Курсқа ниет білдіруші студенттер шетел әдебиеттер бөліміне, оқытушыға алғыстарын білдірді. Алдағы уақытта басталған курс 3 айға негізделіп отыр.