Балалар әдебиетінің жарық жұлдызы: әдеби таныстыру
19 сәуір күні Абай атындағы кітапхананың балалар әдебиеті бөлімінің қызметкерлері №34 жалпы орта білім беретін мектептің 4 сынып оқушыларына «Бір ел – бір кітап» республикалық акциясы аясында, «Тәуелсіздіктің 30 жылдығына 30 кітап» жобасына енген балалар жазушысы Марат Қабанбаевтың «Жиһанкез Тити» әңгімесіне арналған «Балалар әдебиетінің жарық жұлдызы» атты әдеби таныстыру шарасын өткізді.
Марат Қабанбаев – балаларға да, үлкендерге де арнап кітап жазған талантты жазушы. Оның «Бақбақ басы толған күн» хикаятының негізінде «Он екі жасқа толғанда» деген толық метражды телефильм түсіріліп, талай рет балаларға арналған шығармалардың жабық бәйгесінде жүлделі орындарды жеңіп алған. «Арыстан, мен, виоленчель және қасапхана» атты әйгілі повесі «Қарлы құйын» деген атпен Алмания елінде жарық көріп, неміс тілінде жарияланып, көп ұзамай Халықаралық Г.Х.Андерсен атындағы сыйлықты иеленген. Марат Қабанбай түркі тектес елдер арасындағы аталған сыйлықтың тұңғыш иегері. Шығармалары өзбек, латыш, украин, неміс тіліне аударылған.
Таныстыру барысында оқушылар жазушының өмірбаянымен, шығармашылығымен танысып, «Жиһангез Тити» әңгімесін тыңдап, «Он екі жасқа толғанда» атты фильмінен үзінді тамашалады, сондай-ақ, әңгіме желісі бойынша әдеби кроссвордқа белсенді қатысты. Шара соңында балалар жазушының бұл шығармасы уақыт жетіспегендігіне қарамастан ата-аналардың балалардың пікірлерін тыңдауға, бала тәрбиесіне уақыт бөлу керек екендігі қазіргі кезде де өзекті мәселелердің бірі болып табылады деп қорытындылады, сондай-ақ, әкімшілік тарапынан сынып жетекшісі Л.Т.Оразаеваға алғыс хат табыс етілді.
