Тұрсынхан Әбдірахманованың туғанына 100 жыл: тікелей эфир
Ағымдағы жылдың 27 сәуірінде Абай кітапханасының Facebook әлеуметтік желісіндегі парақшасында белгілі қазақ ақыны, Қазақстанның халық жазушысы Тұрсынхан Әбдірахманованың 100 жылдық мерейтойына орай ҚР мәдениет қайраткері, халықтық ақындар орталығының жетекшісі Дәметкен Омарбаевамен тікелей эфир өтті.
Эфир барысында кеш қонағы Тұрсынхан Әбдірахманованың шығармашылғына саяхат жасап, кейбір туындыларынан үзінді оқып берді. Ақынның адамның жан дүниесін жарқыратып ашатын лирик қана емес, оқиғасы қою, кейіпкерлер қатары мол поэмалар да жазған эпик ақын екендігін алға тартты. Сонымен қатар ақын жайлы замандастары және туған-туысқандары жазып қалдырған естеліктермен де бөлісуді жөн көрді.Эфир соңында оқырмандар санатынан болған сұрақтарға жауап беріп, осындай ұлағатты тұлғаның өмірі мнн шығармашылығы жайлы берген ақпараты үшін оқырман қауымның алғысына бөленді.
