Жюль Верннің көркем әлемі: әдеби кездесу
Шығыс Қазақстан облыстық Абай атындағы әмбебап кітапханасының оқырмандарға қызмет көрсету бөлімінің қызметкерлері 26 қазан 2013 жылы «Диалог» әдеби клубының мүшелерімен белгілі француз жазушысы, географ, ғылыми-фантастикалық роман жанрының негізін қалаушы Жюль Верннің туғанына 185 жыл толуына орай, әдеби кездесу ұйымдастырды.
Өткізілген күні: 26 қазан 2013 жыл. Өткізілген орны: Шығыс Қазақстан облыстық Абай атындағы әмбебап кітапханасы. Қатысушылар: «Диалог» әдеби салонының мүшелері, Көпсалалы колледж оқытушысы мен студенттері. Қатысушылар саны: 15. Мақсаты: Белгілі француз жазушысы, Жюль Верннің шығармаларын дәріптеу.
Шығыс Қазақстан облыстық Абай атындағы әмбебап кітапханасының оқырмандарға қызмет көрсету бөлімінің қызметкерлері 26 қазан 2013 жылы «Диалог» әдеби клубының мүшелерімен белгілі француз жазушысы, географ, ғылыми-фантастикалық роман жанрының негізін қалаушы Жюль Верннің туғанына 185 жыл толуына орай, әдеби кездесу ұйымдастырды. Әдеби салон мүшелері жазушының өмірі және шығармашылығымен, оның таңғаларлық оқиғаларға толы шартарапқа саяхаты, ғылыми жетістіктері, өнертапқыштығымен терең танысты. Кітапхана қызметкерлері жазушы өмірі, оның романдарының шығу тарихы жайлы қызықты мәліметтер айтып берді. Шараның өту барысында қатысушылар Жюль Верннің шығармашылығы жайында өз көзқарастарын ортаға салды, шығармаларын талқылады, «Двадцать лье под водой» романынан үзінділер оқыды. Мәдени шарада сонымен қатар слайд, «Невероятное путешествие Жюля Верна» атты документік фильм көрсетілді.
Фильм жазушының бірегей тума және атақты жазушы екенін баяндайды. Оның шығармаларында суреттелетін табиғат пен теңіз асты әлемінде кездесетін әр түрлі жағдайларды дәл бейнелеуі ғылыми жетістіктерімен үндесіп жатыр. Әдеби салон мүшесі Измайлова К.Л. «Клодиос Бомбарнак» романы туралы өз ойын бөлісті және Жюль Вернға арналған небір автордың өлең шумақтарын, жыр-шашуларын айтып берді. Шарада қонақтарға арнайы жасалған шай дастарханы жылы жүзді достық көңілде өтті. Шара соңында кітапхана оқырманы Бейсебаев Сериққан кітапхана қызметкерлеріне шараны ұйымдастырған үшін үлкен алғысын білдірді. «Жюль Верннің көркемдік әлемі» кітап көрмесі ұйымдастырылып, кітапхана қорындағы жазушы шығармалары ұсынылды. Барлығы 20 кітап қойылды.