Сұрақтар мен жауаптардағы экология: ақпараттық сағат

2021 жылдың 20 мамыр күні Абай атындағы облыстық әмбебап кітапханасында «Сұрақтар мен жауаптардағы экология» атты тақырыпта ақпарат сағаты  ұйымдастырылды.

Шара мақсаты – табиғаттың адам өміріндегі зор маңыздылығын насихаттай отырып, оны аялауға, сақтап қорғауға өз үлестерін қосуға жұмылдыру,  экологиялық білімдерін молайту, табиғатты қорғау, экологиялық тәрбие негізін қалыптастыру. Жастарды елін, жерін сүюге, қадірлеуге үйрету, экологиялық апаттарды болдырмауға атсалысу.

Экологиялық ақпарат барысында «Тазалық – саулық негізі, саулық – байлық негізі» деп айтқандай  қоршаған ортаның ластануына жол бермеу мәселесіне айрықша мән беру қажеттілігі және бүгінгі таңда экологиялық дағдарыс жекелеген ел көлемінен асып, бүкіләлемдік мәселеге айналып отырғандығын туралы кітапхана оқырмандарына мағлұмат бере отырып, экология ғылымы жайлы жан – жақты түсінік берілді.

Табиғаттың тылсым тіршілігі туралы сұрақтарға  кітапхана оқырмандары белсене араласып өз ой- пікірлерін білдірді.

Шара барысында  оқырмандар Абай атындағы  облыстық әмбебап  кітапхана қорының  экологияға байланысты «Экология – өмірдің  соғып  тұрған жүрегі» атты кітап көрмесімен танысты.